Sekretarja e PDIU, Mesila Doda ka reaguar pas vendimit të Këshillit të Ministrave të BE për shtyrjen e vendimit për hapjen e negociatave të Shqipërisë me BE.
Përmes një poatimi në facebook, Doda shkruan se qysh nga marrja e statusit në vitin 2014 Shqipëria nuk kryen dot hapin e rradhës.
Për herë të pestë Shqipëria nuk hap dot negociatat me BE. Qysh nga marrja e statusit në vitin 2014 Shqipëria nuk kryen dot hapin e rradhës. Pas njëmijë gënjeshtrave e justifikimeve së statusi u mor qysh vitin e kaluar, sot jemi në të njëjtën pikë dhe negociatat përsëri shtyhen. Situata bëhet edhe më e rëndë kur duket se prej nesh po penalizohet edhe Maqedonia e Veriut. Krimi dhe korrupsioni janë përsëri pengesat e Shqipërisë në rrugën evropiane. Tamam në këtë kohë po rrezikohet seriozisht edhe lëvizja e lirë në hapësirën Schengen. Nuk ka bilanc më të zi se kaq… ndërkohë shohim ende një turmë vetmitare “rilindasish” që shkojnë qytet me qytet e shohin filxhanin e bëjnë qyfyre në një vend që ka kohë që i ka lënë vetëm. Sot jeni më të mundur se kurrë, me ilegjitim se asnjëherë e i keni bërë dëm partise tuaj, politikës shqiptare e gjithë një vendi pasi e keni damkosur me vulën e një vendi ku krimi është padron, ku vidhet e ku mafia ka zëvendësuar shtetin. Bilanci juaj është më shumë se negativ, më i rëndë se një luftë… është lufta për normalitet dhe ajo e një babëzie që nuk ka fund. Zoti e ruajtë Shqipërinë dhe shqiptarët nga kjo lloj rrace, jeni më të rrezikshëm se setrat e kuqe të pasluftës.
