Ligjvënësia Mesila Doda tha se palët politike, kryesisht partitë e mëdha mbajnë peng sistemin zgjedhor.
Në studion e lajmeve të Ora News deputetja Mesila Doda tha se PDIU i ka propozuar që prej dy javësh të gjitha forcave politike një pakt të madh kombëtar, i cili duhet duhet të ketë dy pika: reforma në drejtësi dhe integrimi europian.
“PDIU nuk është as shpatë dhe as jastëk i ndonjë tjetri. PDIU, kur e ka ftuar koalicioni e kanë ftuar të dyja partitë bashkë dhe është bërë pjesë e disa reformave të rëndësishme në vend.
Po të jetë puna për Çështjen Çame dhe Kombëtare, kjo po ja vlen që të vazhdosh bashkëpunimin. Nuk ka asnjë vendim politik të PDIU-së. Kur të regjistrohen koalicionet atëherë do marrim vendim politik të kryesisë së PDIU-së. Në këtë momentin nuk kemi një vendim se me kë do dalim”, tha Doda.
Doda tha se PDIU nuk ka asnjë vendim për koalicionin e ardhshëm. Ajo tha se çdo ditë ka nga një marifet të ulët dhe që praktikisht të heq çdo dëshirë që të vazhdosh dhe të kesh ndonjë bashkëpunim me këtë lloj koalicioni.
“E vetmja arsye që jemi në këtë koalicion ka qenë ka qenë Çështja Kombëtare. Jemi ftuar nga të dyja partitë në koalicion. Por, ende nuk jemi për koalicionin parazgjedhor. Ende nuk ka një vendim politik, nëse do dalim me PS-në. Si nuk ka një vendim që do dalim me LSI-në apo PD-në”, tha Doda.
