Moderatori Blendi Fevziu ka zbuluar se nusja nga Librazhdi që u dhunua nga vjehrra e vjehrri është kërcënuar nga i vëllai. Teksa diskutonte në studion e “Opinion” në lidhje me këtë temë, Fevziu tha se i vëllai e ka kërcënuar dhe i ka thënë se do ta vrasë kur të vinte në Shqipëri. Ndërkohë i vëllai jeton jashtë vendit gjithashtu.
“I vëllai e ka kërcënuar gjithashtu, i ka thënë do të të vras sa të vij”- tha Fevziu.
Kujtojmë se ngjarja e Librazhdit ka përfshirë opinionin publik ditën e fundit, pas publikimit të disa videove ku vërtetohej tradhëtia bashkëshortore. Rasti ka ndodhur në qytetin e Librazhdit, ku vjehrri, vjehrra dhe disa të afërm kanë kapur “mat” nusen me të dashurin në shtratin e saj. Skena është filmuar nga njerëzit e burrit të saj, të cilët më pas e kanë përzënë nga shtëpia. Por më e keqja nuk ka kaluar ende për gruan në fjalë, pasi prindërit e saj, të tronditur nga lajmi, i kanë mbyllur derën.
