Ilir Meta mohoi të merrte drejtimin e LSI pas lënies së mandatit te Presidentit. Në një deklaratë nga selia e LSI, Meta la të hapur mundësinë e krijimit të një partie të re duke thënë se “partia e referendumit na pret përpara”.
Pyetje: A do merrni sërish drejtimi e LSI apo do krijoni forcë të re politike?
“Nuk jam këtu për të marrë drejtimin e LSI se unë këtë drejtim e lashë me vullnet të lirë dhe ndërgjegje të lirë para 5 viteve për arsye të rrethanave që u krijuan në ven e të tejkalimit të një ngërçi artificial politik që u krijua dhe dihet çfarë pasojash krijoi. Unë jam këtu për të sjellë mesazhin e popullit të 2 marsit pjesë e të cilit ka qenë dhe LSI në ato momente dhe për tu bashkuar të gjithë bashkë në triumfin e mesazhit të 2 marsit dhe triumfi i mesazhit të 2 marsit është sovraniteti në Republikën e Shqipërisë i përket popullit dhe populli shqiptar ka ardhur momenti ta ushtrojë atë drejtpërdrejtë dhe kjo do bëhet e mundur në mënyrë të padiskutueshme. Partia e referendumit na pret përpara, është partia e popullit të 2 marsit, kjo zgjidh çdo problem nga oligarkët te kleptokracia te kapja e shtetit dhe referendumi do jetë shpata e Demokleut mbi gjithë politikanët e papërgjegjshëm, politikanët që abuzojnë me besimin e popullit të Shqipërisë”, tha Meta.
