Pas rizgjedhjes së ish-kryeministrin Sali Berisha, PD ende nuk është e bashkuar. Kjo pasi “vula” ndodhet në Apel dhe do të jetë Gjykata ajo që do të japë përgjigjen përfundimtare. Në një intervistë për mediat, kreu i Partisë Agrare Ambientaliste Agron Duka, u shpreh se opozita mund të shkojë drejt krijimit të dy partive.
“Sipas meje kemi një realitet të tillë që brenda PD-së ka dy grupe pothuajse të ndarë njëri me tjetrin, jo ideologjikisht sepse janë të djathtë, por ndoshta për këndvështrime të ndryshme. Unë besoj se në të ardhmen këto do të kalojnë në dy forca politike, do bëhen dy parti. Ardhja e Berishës në krye të PD dëshpëroi një pjesë të tyre që janë në grupin tjetër të Alibeajt apo edhe në bazë. Ne duhet të tentojmë që këto dy grupim, nëse i konsiderojmë në të ardhmen si dy forca të ndryshme politike të gjejmë pika kontakti dhe t’i bashkojnë interesat”, tha ai.
