Ziadin Sela dhe ish-studentët shqiptarë të Maqedonisë bashkohen në “Teatrin Poshka” dhe kujtojnë kohën në universitet e Shqipërisë
Në Strugë, me iniciativën e disa ish-studentëve nga Struga dhe Ohri, që studiuan në Universitetet e Shqipërisë, është zhvilluar një takim joformal në ”Teatrin Poshka” për të kujtuar kohën kur ishin student në Tiranë.
Nga të pranishmit në këtë aktivitet, u thanë fjalët më të mira për shtetin shqiptar, që në kohën kur arsimi shqip ishte në ditët më të vështira hapi dyert për qindra studentë nga Struga, dhe nga gjithë trevat shqiptare.
Ky takim, siç u tha nga të pranishmit do të pasohet me një takim më të zgjeruar ku pritet të nënshkruhet edhe një deklaratë falenderimi drejtuar shtetit shqiptar.
Sot studentët që studiuan në Tiranë tashmë janë të pranishëm dhe aktivë duke dhënë kontributin e tyre pothujase në të gjitha sferat duke filluar nga politika, kultura, shëndetësia, arsimi, media etj.
Nga viti akademikë 1991-92 e në vazhdimësi në Shqipëri u regjistruan dhe kryen studimet me qindra të rinj shqiptar nga Maqedonia, Kosova, Ligina e Preshëvës dhe Mali i Zi.
