Kur vjen puna tek ishi, Dua Lipa ka disa rregulla të reja të reja. Këngëtarja tashmë do të duhet të rishikojë edhe një herë “Rregullat e reja” pasi është rikthyer sërish me ish të dashurin Isaac Carew vetëm pak muaj pas ndarjes me Paul Klein.
Në këngën e saj “New rules”, Dua rendit të parin rregull: 1. “Mos e hap celularin sepse ai ka pirë dhe ndihet vetëm”. Mesa duket modeli 32-vjeçar e ka marrë mirë mesazhin, ka shmangur telefonatat ndaj Duas kur ka qenë i vetmuar dhe i pirë.
Sipas mediave ndërkombëtare Dua dhe Isaac kanë një lidhje të fortë mes tyre. Ata u ndanë shkurtin e kaluar pas një romance 2-vjeçare, ndërsa nga postimet e shqiptares vihej re një marrëdhënie shumë e mirë e modelit edhe me familjen e Duas.
Mesa duket Isaac e ka fituar zemrën e 22-vjeçares edhe pse konkurrenca e admiruesve të famshëm ka qenë shumë e fortë. Vitin e kaluar, Dua u puth me vokalistin e Coldplay, Chris Martin, megjithatë kimia mes tyre përfundoi me një bashkëpunim muzikor duke mos u kurorëzuar në lidhje dashurie.
Calvin Harris gjithashtu ftoi në takim dashurie këngëtaren e “Rregullave të reja”, por përfundoi duke bërë muzikë me të. Paçi fat në të ardhmen djema!
