Kryeministri Edi Rama ka deklaruar se braktisja e mandateve nga opozita është diçka e mirë për demokracinë, por teknikisht mund të ecim përpara.
Në një intervistë për repubblica.it, kreu i qeverisë nënvizoi se protesta e opozitës nuk ishte protestë e njerëzve, e sindikatave apo e studentëve. “Nuk është diçka e mirë për demokracinë, por teknikisht mund të ecim përpara. Sjellja e opozitës nuk i shërben integrimit në Bashkimin Evropian”, ka deklaruar Rama.
Në shesh kërkohet dorëheqja jote. Dhjetëra mijëra persona. Ju thoni se as nuk keni ndërmend ta bëni. A jeni të sigurtë që mund të ecni përpara?
Imagjinoni nëse ndodh në Itali ajo që po ndodh tek ne. Deputetët e opozitës heqin dorë nga mandati dhe braktisin parlamentin. Pastaj i kërkojnë qeverisë së zgjedhur nga qytetarët të largohet. Kjo nuk është më demokraci. Është tirani e minorancës. Ne jemi ngarkuar me një detyrë nga populli dhe e respektojmë.
Më fal por nuk është një situatë jo normale, sidomos për një kryeministër socialist progresist, një parlament pa opozitë?
Për demokracinë parlamentare sigurisht që nuk është e mirë por teknikisht ne mund të ecim përpara, nuk ka problem.
