Pajtim Krasniqi apo siç mund ta njohin të gjithë si Dj PM është bërë nostalgjik dhe ka shpërndarë në rrjetet e tij sociale një foto me Rita Orën. Artisti ka publikuar në Instastory një fotografi me yllin e njohur ndërkombëtarisht të realizuar vite më parë. Këtë e ka vënë në dukje edhe ai duke shkruar se ka shumë kohë.
“Moti shumë”.
Në foto vihet re se dyshja shfaqen shumë të afërt me njëri-tjetrin teksa pozojnë për një selfie. Rita ka vendosur një kapele të zezë teksa Pm shfaqet i buzëqeshur dhe me më pak flokë se tani, pasi siç ka thënë edhe vetë i ka mbjellë flokët së fundmi. Nuk dihet nëse ata janë takuar në ndonjë nga eventet e ndryshme nëpër botë apo kur Rita ka qenë në Kosovë.
Nga ana tjetër, ajo që dihet me siguri është lidhja e Pajtimit me blogeren Sarah Berisha. Ata nisën një romancë kur ishin pjesë e shtëpisë së famshme të “Big Brother VIP” dhe po e vijojnë edhe pas daljes nga aty lidhjen e tyre, të cilët së fundmi janë shprehur se dëshirojnë të jenë larg syrit të publikut.
Në fakt çifti ka treguar se i kanë marrë gjërat shtuar. Ata kanë zgjedhur mos të postojnë së bashku në rrjetet sociale duke e shijuar lidhjen në privatësi. Sarah ka treguar në intervista të ndryshme se ende nuk i kanë bërë gjërat zyrtare me familjarët e tyre ndonëse janë takuar me familjet e njëri-tjetrit.
