Sot është Dita Ndërkombëtare e AIDS-it. Ndonëse bota është e mbërthyer nga pandemia e Covid-19, edhe ndaj kësaj sëmundje duhet pasur kujdes.
I ftuar në ABC e Mëngjesit, koordinatori Kombëtar për HIV AIDS, Roland Bani ka treguar se në vendin tonë ka gati 100 të infektuar të rinj në vit.
Ai tregoi se janë shënuar nëntë viktima dhe shumica nuk preferojnë të mjekohen pasi nuk duan që të tjerët t’i zbulojnë.
“Kemi pasur një ulje të testimeve për shkak të pandemisë, pasi njerëzit kanë pasur frikë për të shkuar që të bëjnë testime. Ajo që doja të theksoja është se infektimi kryesor vjen nga marrëdhënieve seksuale. Grupmosha më e prekur janë të rinj që nisin aktivitetin seksual. E theksoj faktin që sot është vërtetuar shkencërisht që këta persona janë më të rrezikuar. Për shkak të disa veçorive biologjike kjo vjen për shkak të marrëdhënieve të pambrojtura. Me kalimin e kohës mjekimet janë futur dhe mjekimi bën të mundur që niveli i sëmundjes të mos trasmetohet më. Përsa kohë që një fëmijë mjekohet në mënyrë të rregullt, ai mund të jetojë normal, mund të krijojë familje. Sivjet, deri më sot kemi pasur 9 të vdekur, pasi një pjesë e tyre u identifikuan vonë. Shumë persona kanë turp të mos ta marrin vesh të tjerët dhe nuk marrin mjekimet”, u shpreh Bani. /abcnews.al
