Presidenti i zgjedhur i Shteteve të Bashkuara të Amerikës, Donald Trump në fjalimin e mbajtur me rastin e Ditës së Falenderimeve, vuri theksin për unitet kombëtar.
Trump është shprehur se kjo është koha për ta që të shërojnë plagët e përçarjes dhe të bëjnë histori, duke sjellë ndryshime të vërteta për qytetet dhe komunitetet. Republikani kërkoi që populli amerikan ta ndihmonte atë në përpjekjet për rindërtimin e vendit.
Pas fushatës zgjedhore, që ai e quajti “të gjatë dhe të ashpër”, Trump tha se emocionet në vend janë ende të forta. Ka ardhur koha të shërojmë plagët e përçarjes”, tha ai, duke kujtuar megjithatë se tensionet nuk kapërcehen dot brenda natës.
