Ka nisur protesta e paralajmëruar për rritjen e çmimit të naftës dhe çmimeve në shumë sektorë në vend. Dhjetëra qytetarë janë mbledhur për të dytën ditë, në bulevardin “Dëshmorët e Kombit” dhe përballë Kryeministrisë.
Qytetarët kanë bërë gati pankarta në duar, ndërsa disa vajza janë pajisur me shall për tu mbrojtur në rast se do të ketë hedhje të gazit lotsjellës nga ana e efektivëve.
Protesta sot pati edhe në Shkodër, Vlorë dhe Kukës, Devoll, Lushnje ku dhjetëra qytetarë kërkuan uljen e çmime. Në Mirditë protestuesit kanë vendosur makinat në Rrugën e Kombit, duke bllokuar qarkullimin. Në protestë ka edhe prezencë të policisë, të cilët i kanë kërkuar protestuesve të lirojnë rrugën, por një gjë e tillë nuk ka ndodhur.
