Komisioni i Disiplinës dhe Etikës së FSHF-së ka dënuar me pezullim për 2 ndeshje zyrtarin e KF Bylis, Naci Sensoy, për proteste ndaj vendimeve të arbitrit.
Po ashtu, gjatë mbledhjes së sotme, “Disiplina” ka dënuar me 50.000 lekë FK Kukësin, për sjellje të gabuar të spektatorëve – hedhjen e sendeve në terrenin sportiv.
KF Egnatia U-21, për mosparaqitje të ekipit në ndeshjen “Vllaznia-Egnatia”, dënohet me humbjen e ndeshjes në tavolinë dhe zbritjen e 3 pikëve nga klasifikimi.
Komisioni ka pranuar kërkesën së lojtarit të FC Djelmnia Shkodrane 2017, Albi Brojaj, për pezullimin e pjesës së mbetur të dënimit. Periudha e pezullimit me kusht do të jetë 6 muaj.
