Komisioni i Disiplinës në FSHF dënoi Flamurtarin me 4 ndeshje pa stifozë në stadiumin e tij, për shkak të incidenteve në sfidën e fundit të zhvilluar në Vlorë.
Formacioni bregdetar është penalizuar për shkak të sjelljes së tifozëve në përballjen e fundit që kuqezinjtë fituan 1-0 ndaj Kamzës.
Në arsyetimin e FSHF nënvizohet se tifozët vlonjatë kanë përdorur parrulla e shprehje ofenduese e duke shkaktuar ndërprerjen e përkohshme të lojës.
Si rrjedhojë dënimi prej 4 ndeshjesh bazohet në rregullore, edhe pse kjo ka ngjallur protestat e klubit të kategorisë Superiore. Flamurtari është dënuar gjithashtu me një gjobë 100 mijë Lekë.
