• Shqiperi
  • Opinion
  • Kosove Rajon
  • Gossip
  • Art Kulture
  • Sport
  • Bota
27.al
Nuk ka rezultat
View All Result
  • Shqiperi
  • Opinion
  • Kosove Rajon
  • Gossip
  • Art Kulture
  • Sport
  • Bota
27.al
Nuk ka rezultat
View All Result
27.al
Nuk ka rezultat
View All Result

Dilema në zgjedhje, druri apo truri

13:54 | 30/08/2016
në Opinion
0

Nga Lorenc Vangjeli

Nëse do të bëhet një kërkim për fjalën më të përdorur në ligjërimin shqip, fjala jo në shqip “reformë” me shumë gjasa do të zerë vendin e parë. Menjëherë mbas përmbysjes së sistemit komunist, kur u bë e qartë për këdo se Shqipëria nuk ishte qendra e botës, siç thuhej nën ritme daullesh propagande, por një periferi e mjerë dhe e varfër e saj, u bë e qartë se do të duhej të reformohej gjithçka. Që nga individi i deformuar e deri tek mënyra e jetesës, e sjelljes së tij në shoqëri dhe marrëdhënies së pjesës me të tërën dhe anasjelltas. Ishte nevojë urgjente për të reformuar gjithçka që nga morali e deri tek korpusi ligjor që kodifikonte sjelljet dhe i ndante në të moralshme apo jo të tilla. Një shembull: komunistët e kishin të ndaluar me kushtetutë marrjen e kredive. Sot, vetëm halli dhe FMN­-ja e kanë ndaluar ngritjen e mëtejshme të nivelit të borxhit. Apo shembulli tjetër për izolimin total të djeshëm që dikur quhej sovranitet dhe sot është nevoja ulëritëse për integrim në botën euroatlantike.

Lexo edhe

Celibashi “vulosi” vrasjen e zgjedhjeve

Zoti të ruajtë Znj.Kim dhe suksese në jetë!

Rrëfimi i një polici

Nuk do shumë kujtesë për të zbuluar se një nga dështimet më të dhimbshme të vendit, prodhuar nga shumica të djathta e të majta në më shumë se 25 vjet pluralizëm ka qenë pikërisht reforma e korpusit ligjor. Politikanët dhe juristët, simbioza klasike mes dy pushteteve të parë e të dytë me pushtetin e tretë, janë çifti që kanë vrapuar vazhdimisht si kavjet brenda rrotës të mbyllur në kafaz. Një çift që ka vrapuar pa prehje për të sjellë pothuaj gjithçka e gjithçka në pothuaj në të njëjtën pikë: nevojën për të filluar reformën e radhës. Ndodhi një gjë e tillë që me dispozitat kryesore kushtetuese që zëvendësuan dokumentin arkaik komunist të 1976­-ës, me tentativën e parë personale kushtetuese të 1994­-ës, por dhe me kushtetutën e miratuar me referendum të 1998­-ës. Duke u nisur nga kjo e fundit, ndërhyrjet në të, ndryshimet e rishkrimet e saj, praktikisht kanë prodhuar një kushtetutë të re, nga e cila preken pothuaj të gjitha institucionet e tjera kushtetuese në vend.

Preken dhe krijohen raporte të reja mes tyre dhe një raport i ri mes kontrollit dhe balancës që kushtëzon bashkëjetesën e këtyre institucioneve. Por, këtu ka një problem. Çfarë sot mund të ngjajë dhe është propaganduar fort si një hap final, i fundëm dhe shterues, nëse merret një krahasim me traditën e reformave në Shqipëri, nesër me gjasë mund të jetë një hap i radhës në serinë e pafundme të reformave që janë bërë në vend. E para, sepse një gjë e tillë është e logjikshme dhe asnjë sistem ligjesh nuk është i përhershëm dhe e dyta, sepse është jo thjesht “mania” e politikës shqiptare për të rifilluar gjithçka nga e para: për të gjetur në një mënyrë apo në një tjetër, pikërisht aty një shkak dhe shkas që justifikon vetveten. Dhe çfarë është më e rëndësishmja, nevoja e dëshpëruar për t’i parë reformat jo si një mjet për të realizuar qëllimin, por si një qëllim në vetvete. Në rastin konkret jo për të gjetur mundësinë më të mirë që qytetari të marrë nga gjykatësi të drejtën e tij për t’u shërbyer nga gjykatës, por që gjykatësi të marrë drurin e hurin, nëse abuzon me të drejtën e tij për të dhënë drejtësi. Ky është shkopi që ka goditur më fort në daullen e propagandës. Kjo rrezikon dhe njëherë ose të paktën krijon mundësinë e pritshmërive të gabuara, për çfarë do të ndodhë nesër. Si zgjedhja e gabuar mes drurit (efekteve shtrënguese të ligjeve) dhe trurit (mundësisë së zbatimit të tyre real në praktikë). Duke nisur së pari nga ata që i shkruajnë dhe i miratojnë.

Për të shmangur çdo keqkuptim të mundshëm për tabunë e ditës, reformën në drejtësi, krahasimi mund të bëhet me reformën zgjedhore. Në çdo palë zgjedhjesh në Shqipëri, ka ndërhyrje të rëndësishme në ligjin zgjedhor. Atë që dikton rregullat dhe normat, sesi do të përkthehet vota e shqiptarëve për t’u përkthyer në mandat për të qeverisur për një palë dhe në mandat për t’u qeverisur për palën tjetër. Çdo katër vjet ka një reformë të tillë, e cila për shkak të rëndësisë që ka në përcaktimin e ngjyrës së qeverisjes, menjëherë sapo “kolaudohet” në terren, kërkohet të ndryshohet nga pala që do të qeveriset. Përtej dallimeve dhe urrejtjes tradicionale, ka megjithatë një detaj që e bashkon në mënyrë të plotë nën shenjën e konsensusit të majtën e të djathtën në Shqipëri. Dhe ajo është pakënaqësia me prehjen, të cilën si rregull e prishin reformat. Mirë do të ishte që të kishte një reformë të reformës për reformat. Nëse një akt i tillë do të gjente konsuensus në politikë, atëherë ky do të ishte ndoshta një hap i parë për të dalë nga kafazi ku vrapohet çift brenda një rrote. Që edhe pse vërtitet e ndryshon, është sërish e njëjta gjë. Të paktën deri tani ka qenë kështu. Edhe pse si rregull dhe për traditë, në këto vise druri zgjidhet përpara trurit.

/javanews.al/

Etiketa: arkaikdilemadruriLorenc Vangjelireformëtraditëtruri

Të Lidhura

Celibashi “vulosi” vrasjen e zgjedhjeve

Celibashi “vulosi” vrasjen e zgjedhjeve

nga 27
17:05 | 09/03/2023
0

Nga Andi Bushati – Zakonisht, në hapësirat e lirisë që mundësojnë demokracitë liberale, njerëzit që janë të detyruar të bëjnë...

Zoti të ruajtë Znj.Kim dhe suksese në jetë!

Zoti të ruajtë Znj.Kim dhe suksese në jetë!

nga 27
21:01 | 08/03/2023
0

Nga Myslym Murrizi –  E Nderuar Zj Kim! Meqenese sot mora vesh qe ke levizur “ der” me “ der”...

Rrëfimi i një polici

Rrëfimi i një polici

nga 27
21:45 | 07/03/2023
0

Nga Anila Hoxha – Ai është një nga policët më të ndershem që njoh. Për këtë arsye ky person ka...

Urim babait, shkrimtari Naum Prifti feston 91-vjetorin në Amerikë

Urim babait, shkrimtari Naum Prifti feston 91-vjetorin në Amerikë

nga 27
18:31 | 07/03/2023
0

Ditëlindja e 91-të e skenaristit të “Udha e shkronjave” Julika Prifti Befasia e një urimi Për 91 vjetorin e ditëlindjes...

Para
Veliaj: Kënd lojërash për fëmijët në Komunën e Parisit

Veliaj: Kënd lojërash për fëmijët në Komunën e Parisit

Lini një Përgjigje Anuloje përgjigjen

Adresa juaj email s’do të bëhet publike. Fushat e domosdoshme janë shënuar me një *

 

                  Shkarkoni aplikacionin në celularin tuaj.

Të Fundit

Olta është kuçedër, po bëja sikur flija… –

Olta është kuçedër, po bëja sikur flija… –

19:46 | 26/03/2023
Klopp duhet të afrojë me çdo kusht talentin e mesfushës –

Klopp duhet të afrojë me çdo kusht talentin e mesfushës –

19:32 | 26/03/2023
Të shtëna me armë zjarri në kryeqytet, qëllohet drejt një banese –

I shpërthen dinamiti, ndërron jetë 50-vjeçari në Fushë Arrëz –

19:26 | 26/03/2023
Serie A/ Interi kryeson atje “ku nuk duhet” –

Serie A/ Interi kryeson atje “ku nuk duhet” –

19:14 | 26/03/2023
Anglia solidarizohet edhe në fushë me Ukrainën (FOTO-GALERI) –

Anglia solidarizohet edhe në fushë me Ukrainën (FOTO-GALERI) –

19:08 | 26/03/2023

Më Të Lexuarat

  • Olta është kuçedër, po bëja sikur flija… –
  • Klopp duhet të afrojë me çdo kusht talentin e mesfushës –
  • I shpërthen dinamiti, ndërron jetë 50-vjeçari në Fushë Arrëz –
  • Serie A/ Interi kryeson atje “ku nuk duhet” –
  • Anglia solidarizohet edhe në fushë me Ukrainën (FOTO-GALERI) –
  • Kurti pas takimeve në Tiranë: Ja ç’bisedova me krerët politikë –

© Copyright 27.al © 2023. Të gjitha të drejtat e rezervuara

RRETH NESH

  • TV27
  • VIDEO
  • VEÇ E JONA
  • FOTO DITE

Kategorite Kryesore

SHQIPËRI

OPINION

KOSOVE – RAJONI

GOSSIP

ART KULTURE

SPORT

BOTA

EDITORI

  • Olta është kuçedër, po bëja sikur flija… –
  • Klopp duhet të afrojë me çdo kusht talentin e mesfushës –

© 2023 27.al Dev by Techzero1.com

Nuk ka rezultat
View All Result
  • Shqiperi
  • Opinion
  • Kosove Rajon
  • Gossip
  • Art Kulture
  • Sport
  • Bota

© 2023 27.al Dev by Techzero1.com