Një 45 vjeçare me inicialet T.B., përfundoi në komisariatin numër 1 me urdhër të Gardës së Republikës, pasi këta të fundit e konstatuan duke qeshur. Kjo është një arsye e mjaftueshme për regjimin që ajo po prishte rendin dhe qetësinë publike. Madje, nuk mbaron me kaq.
Gazetarja Anila Hoxha tregon: “Burimet zyrtare më thonë se ngjarja – ka ndodhur në daten 15 tetor në kryeqytet, në rrugën “Fuat Toptani” në orën 20.10. Mes personave që kanë dhënë deklarate nuk është vetëm gruaja që u shoqerua dhe u pyet, por edhe polici i patrullës që shprehet: Unë nuk kam konstatuar që kjo femer të prishte qetësinë publike, por atë e solli punonjësi i Gardës së Republikës”.
Historia e pabesueshme “e qeshjes së ndaluar” shtjellohet akoma më tepër me rrëfimin e vetë zonjës që qeshi.
“Isha duke dalë nga puna që ndodhet në Kalanë e Tiranës dhe pashë kryeministrin, ku pasi ai tha diçka që unë nuk e dëgjova mirë, qesha me zë të lartë”.
Kjo nuk lejohet! E para, ajo nuk e dëgjoi kryeministrin, të cilin duhet ta dëgjojmë të gjithë dhe t’i rrimë drejt si qiri. E dyta, si guxon e qesh, kur ai nuk të ka dhënë leje ta bësh këtë?
