Një 52 vjeçar është arrestuar nga policia e Dibrës për akuzën e dhunës në familje.
Në pranga ka përfunduar shtetasi, Ylli Vojka, banues në Peshkopi pasi ka dhunuar bashkëshorten e tij, e cila më pas ka bërë dhe padi në polici.
Policia sqaron se ky shtetas për motive të dobëta ka ushtruar dhunë fizike në banesën e tij ndaj bashkëshortes së tij shtetases E.V, 46 vjeçe. Për pasojë ka mbetur e dëmtuar shtetasja E.V, e cila pas marrjes së ndihmës mjekësore në spitalin e Peshkopisë, ka bërë kallzim në Komisariatin e Dibrës për dhunën e ushtruar nga bashkëshorti.
Materialet proceduriale i kaluan Prokurorisë Rrethit Gjyqësor Dibër për veprën penale “Dhunë në familje”.
