Simpatizant i PD, Altin Bici, është dhunuar në fshatin Labinot Fush. Sipas banorëve Altini është rrahur nga simpatizantët e Gjergj Lucës. Altin Bici edhe pse ne një gjendje të rënduar është shoqëruar me forcë nga oficerët e patrullës Shqiponja se bashku me një person tjetër. Shyqyri Bici kushëriri i Altin Bicit tregon si ndodhi ngjarja.
“Ishte këtu brenda. Kaloi aty (jashtë), çova një çun i thashë shko shiko se më duket po zihen. Doli Arjani aty, e sollën këtu brenda. Vetëm kur erdhi një fuoristradë e zezë. Erdhën këtu, Arjani po i mbante që mos bënin gjë, ai i gjuajti Arjanit. Kanë marrë Arjanin dhe Altinin. Erdhën këtu policët, unë dola i sqarova. Vetëm kur erdhi furgoni e morën zvarrë për krahësh Altinin dhe Arjanin. Mirë Altini që ishte një nga protagonistët, po Arjani në vend të punës?” – tha ai.
Jashtë ambienteve të komisariatit ndodhej edhe deputeti demokrat Luçiano Boçi.
