Thyen 120 stola në stadiumim ” Elbasan Arena ” dhe goditën me sende të forta punonjësit e policisë të Repartit F.N.SH. Tiranë
Një grup prej 7 personash janë shpallur si përgjegjës për kaosin e krijuar dje gjatë ndeshjes Partizani-Skënderbeu në stadiumin “Elbasan Arena”. Policia bën me dije se të 7 personat e arrestuar janë tifozë të Partizanit, të gjithë banues në Tiranë.
Siaps Forcave blu këta shtetas, në orën 16:35 në unazën e qytetit Elbasan, në momentin e ardhjes të autobuzave të tifozave të Skenderbeut të Korçës , në bashkëpunim me njëri–tjetrin dyshohen të kenë goditur me sende të forta njërin prej autobuzave, duke dëmtuar xhamin anësor të mjetit me targa KO 1750B, drejtuar nga shtetasi GJ.R.
Ndërkohë në orën 18:50 gjatë zhvillimit të ndeshjes, të futbollit midis ekipeve të Partizanit dhe Skënderbeut në Stadiumin “Elbasan Arena”, nga veprimet e tyre, janë thyer 120 stola të stadiumit, janë hedhur mjete piroteknike (fishekzjarre) në fushë, si dhe janë goditur me sende të forta punonjësit e policisë të Repartit F.N.SH. Tiranë.
Nga këto veprime, u dëmtuan dy punonjës policie si dhe janë thyer paisjet mbrojtëse të shërbimit të tyre
Drejtoria Vendore e Policisë Elbasan, në bashkëpunim me Prokurorinë e Rrethit Gjyqësor Elbasan po vazhdon punën për për identifikimin e shtetasve të tjerë.
Materialet i kalojnë Prokurorisë së Rrethit Gjyqësor Elbasan për veprime të mëtejshme për veprat penale “Shkatërrim Prone” , “Prishja e qetësisë publike” dhe”Kundërshtimi i punonjësit të policisë së rendit publik”, kryer në bashkëpunim.
Shtetasit e shoqëruar nga policija janë:
E.D, 54 vjeç, banues në Tiranë
R.H, 58 vjeç, banues në Tiranë
F.B, 24 vjeç, banues në Tiranë
A.P, 19 vjeç, banues në Tiranë
F.O, 26 vjeç, banues në Tiranë
M.K, 19 vjeç, banues në Tiranë
SH.M, 43 vjeç, banues në Tiranë
