Reporterët pa kufij kanë dalë me një qëndrim publik në lidhje me dhunën e ushtruar nga forcat e rendit ndaj gazetarëve që transmetonin protestën e artiistëve dhe aktivistëve në mbrojtje të Teatrit Kombëtar.
Reporterët pa kufij dënojnë dhunën si dhe mbajtjen e tyre në komisariat për 2 orë, duke cituar se janë plagosur dhe prangosur.
“Reporterët pa Kufij dënon dhunën e përdorur nga policia kundër Alfred Lelës dhe gazetarëve të tjerë që mbulojnë protestat kundër planit të qeverisë për prishjen e natyrës, ndërtesën e Teatri në Tiranë. Prangosur dhe plagosur me dhunë, Drejtori i @PolitikoAl kaloi 2 orë në komisariat”, shkruhet në reagim.
Në lidhje me zhvillimet në Shqipëri ka reaguar edhe European Centre for Press and Media Freedom (Qendra Evropiane e Lirisë së Shtypit dhe Media), e cila shkruan se mijëra njerëz janë mbledhur në Tiranë vetëm një ditë pas shkatërrimit të Teatrit Kombëtar të vjetër në kryeqytetin shqiptar, për të protestuar kundër asaj që quhet “një diktaturë” në vend. “Ne bëjmë thirrje për gazetarët dhe punonjësit e mediave që të kenë mbrojtje të mjaftueshme kur mbulojnë protestat e vazhdueshme në Shqipëri.
