Ligji i Arsimit të Lartë ndalon drejtimin në më shumë se 2 mandate
Dhori Kule i jep fund karrierës së tij drejtuese në Universitetin e Tiranës, duke u rikthyer si professor në Fakultetin e Ekonomisë. Në fakt fundin e drejtimit të Universitetit nga Dhori Kule e ka përcaktuar Ligji i ri për Arsimin e Lartë sipas të cilit, të gjithë ata drejtues që kanë konsumuar dy mandate nuk kanë më të drejtë rizgjedhjeje. “Unë do të kryej përgjegjësitë e mia profesionale, do të kontribuoj për Universitetin sepse unë e kam të lidhur jetën me Universitetin e Tiranës” ka thënë për mediat rektori aktual i UT. Fushata zgjedhore për drejtimin e universiteteve filloi pak ditë më parë. Ministërja e Arsimit Lindita Nikolla ka lajmëruar finalizimin e saj më 20 prill, ndërkohë që akademikët janë në pritje të rregullores së re të Ministrisë së Arsimit për shpalljen e kandidaturave dhe mënyrës sesi do të vijohet me zgjedhjet.
