Në çdo vit zgjedhjesh KQZ shpenzon miliona lekë për të blerë “dhomat e fshehta” të votimit. Po ashtu, rritet edhe vlera e shpenzimeve. Për zgjedhjet që sapo përfunduan po dalin 320 milionë lekë nga buxheti për të blerë kuti kartoni dhe dhomat e fshehta. Mos u çudisni, KQZ kishte kuti dhe dhoma të fshehta, kështu që pret puna për t’i blerë të rejat. Ky tender është denoncuar me 6 shkurt 2023 dhe më pas me 15 mars 2023 nga firma “Dynamicx GROUP”.
Por në të dyja rastet KPP, me në krye Jonaid Myzyrin, njeriu i vendosur nga PS, ka vendosur të mbulojë shkeljet e Ilirjan Celbashit dhe të rrëzojë ankesat.
Tani është bërë një tjetër ankesë nga firma Adel CO.
Por, për të shmangur zërat në ditën e zgjedhjeve KPP ka vendosur të publikoj këtë ankesë me datë 15 maj 2023. Por, gjithsesi vazhdon ta mbajë të fshehtë atë, sepse në sistem nuk është paraqitur dokumenti i ankesës.
Pra, me 3 denoncime të bëra, ku njëri prej tyre ka qenë në proces do të thotë se ky tender ka qenë i pezulluar. Dhe nuk janë blerë dhoma të fshehta apo kuti. Ç’ka na tregon se KQZ ka pasur mjaftueshëm dhoma të fshehtësie ku votojnë qytetarët. Sepse në fund të fundit, shpenzime për këto materiale bëri në zgjedhjet e pjesshme vendore një vit më parë.
Këto dhoma nuk janë njëpërdorimshme dhe as nuk janë dëmtuar gjatë zgjedhjeve. Nuk kemi dëgjuar për ndonjë akt vandalizmi kundër dhomave apo kutive. Pra, tenderi i fundit për këto dhoma është një proces fiktiv. Nuk do ta kishim marrë vesh një fakt të tillë, po të mos grindeshin kompanitë pjesëmarrëse. Dhe të dilnin në shesh shkeljet e prokurimit. Sidoqoftë paratë kanë ikur, pasi KPP po mbron hapur Celibashin nga çdo denoncim.
Kujtojmë se vetëm në muajt e parë të këtij viti janë bërë rreth 10 denoncime për KQZ-në, për tenderët e zgjedhjeve vendore. Theksojmë se tre prej këtyre denoncimeve janë për “dhomat e fshehtësisë”.
Nuk e dimë se çfarë vendimi do të marrë KPP për këtë ankesë. Por sido që të jetë, vazhdimi i këtij prokurimi është pa vlerë sepse tashmë zgjedhjet u mbyllën.
Më e drejta në këtë pikë është që KPP, por edhe SPAK-u, nëse është zgjuar, të hetojnë qëllimin real të këtij tenderi, si dhe distanconin e parave!
Në çdo vit zgjedhjesh KQZ shpenzon miliona lekë për të blerë “dhomat e fshehta” të votimit. Po ashtu, rritet edhe vlera e shpenzimeve. Për zgjedhjet që sapo përfunduan po dalin 320 milionë lekë nga buxheti për të blerë kuti kartoni dhe dhomat e fshehta. Mos u çudisni, KQZ kishte kuti dhe dhoma të fshehta, kështu që pret puna për t’i blerë të rejat. Ky tender është denoncuar me 6 shkurt 2023 dhe më pas me 15 mars 2023 nga firma “Dynamicx GROUP”.
Por në të dyja rastet KPP, me në krye Jonaid Myzyrin, njeriu i vendosur nga PS, ka vendosur të mbulojë shkeljet e Ilirjan Celbashit dhe të rrëzojë ankesat.
Tani është bërë një tjetër ankesë nga firma Adel CO.
Por, për të shmangur zërat në ditën e zgjedhjeve KPP ka vendosur të publikoj këtë ankesë me datë 15 maj 2023. Por, gjithsesi vazhdon ta mbajë të fshehtë atë, sepse në sistem nuk është paraqitur dokumenti i ankesës.
Pra, me 3 denoncime të bëra, ku njëri prej tyre ka qenë në proces do të thotë se ky tender ka qenë i pezulluar. Dhe nuk janë blerë dhoma të fshehta apo kuti. Ç’ka na tregon se KQZ ka pasur mjaftueshëm dhoma të fshehtësie ku votojnë qytetarët. Sepse në fund të fundit, shpenzime për këto materiale bëri në zgjedhjet e pjesshme vendore një vit më parë.
Këto dhoma nuk janë njëpërdorimshme dhe as nuk janë dëmtuar gjatë zgjedhjeve. Nuk kemi dëgjuar për ndonjë akt vandalizmi kundër dhomave apo kutive. Pra, tenderi i fundit për këto dhoma është një proces fiktiv. Nuk do ta kishim marrë vesh një fakt të tillë, po të mos grindeshin kompanitë pjesëmarrëse. Dhe të dilnin në shesh shkeljet e prokurimit. Sidoqoftë paratë kanë ikur, pasi KPP po mbron hapur Celibashin nga çdo denoncim.
Kujtojmë se vetëm në muajt e parë të këtij viti janë bërë rreth 10 denoncime për KQZ-në, për tenderët e zgjedhjeve vendore. Theksojmë se tre prej këtyre denoncimeve janë për “dhomat e fshehtësisë”.
Nuk e dimë se çfarë vendimi do të marrë KPP për këtë ankesë. Por sido që të jetë, vazhdimi i këtij prokurimi është pa vlerë sepse tashmë zgjedhjet u mbyllën.
Më e drejta në këtë pikë është që KPP, por edhe SPAK-u, nëse është zgjuar, të hetojnë qëllimin real të këtij tenderi, si dhe distanconin e parave!
