Mark Crawford: Anëtarësimi me detyrim në Dhomën Publike të Tregëtisë cënon lirinë e biznesit, kuota e anëtarësimit, taksë e re
Dhoma Amerikane e Tregtisë, kundërshton projektligjin e qeverisë, i cili e bën të detyrueshëm anëtarësimin e të gjitha bizneseve në Dhomën Publike të Tregtisë. Kreu i Dhomës Amerikane të Tregtisë, Mark Crawford tha në një intervistë në “Ora News” se një nismë e tillë nuk ndihmon bizneset, por i bën ato të varura nga qeveria. Kreu i Dhomës Amerikane të Tregtisë, tha se edhe kuota e anëtarësimit që duhet të paguajë çdo subjekt, është në vetvete një taksë e fshehtë.
“Ne e vlerësojmë rolin që çdo dhomë ka por e kuptojmë që biznesi është më i mirë kur ka liri për të vendosur. Nëse një dhomë është e varur nga buxheti i shtetit ose nga një vendim shtetëror për të tërhequr anëtarë të tyre do të thotë që nuk janë të pavarura, janë të varura nga vendimi i shtetit. Sa peshë ka kritikimi i tyre në këtë rast? Unë kam folur me disa biznese qoftë i madh apo i vogël , dikush thotë që do ka lidhje me tregun gjerman e do bashkohet me të, dikush tjetër thotë që ka lidhje me tregun e qytetit e do bashkohet me dhomën e qytetit e dikush tjetër thotë që nuk ka lidhje fare me të.Kush e di më mirë se pronari i biznesit? E di shteti?”
Qeveria thotë që do heqim taksat për biznesin e vogël por do i shtojmë një pagesë që është e detyrueshme do me thënë është një taksë jo e direktë. Ne besojmë se në përgjithësi të gjitha dhomat që janë këtu kanë vlerë, ofrojnë diçka por është një presion i mirë për ata që janë të detyruar por vijnë me vullnet.”, tha Crawford.
