Mbrëmjen e sotme është zhvilluar një megaoperacion në Elbasan, ku janë lëshuar 25 urdhër-arreste për zyrtarë në këtë qark. Mësohet se disa prej të arrestuarve janë policë të Burgjeve.
Hetimi ka nisur prej disa muajsh, ndërsa urdhër arrestet janë për veprat penale, shpërdorim detyre, korrupsion dhe ushtrim i ndikimit të paligjshëm.
Mësohet se janë arrestuar më shumë se 14 persona dhe po vijon kërkimi për persona të tjera.
Sipas informacioneve, këta persona me detyrë policë në burgje, fusnin sende të paligjshme në burgje dhe shpërdoronin detyrën duke favorizuar të dënuar të ndryshëm që shlyenin dënimin në burgun e Peqin.
Ndër të tjera Operacioni i FNSH dhe Njësisë Operacionale në Elbasan po zhvillohet për zbatimin e disa urdhrave të ndalimit të lëshuar nga Prokuroria e Rrethit Gjyqësor të Elbasanit.
