Detaje të reja kanë dalë në dritë nga zjarri në fshatin Dishnicë të Korçës që përfshiu shtëpinë e personit të identifikuar si I.Bregu mëngjesin e ditës së sotme.
Burime për Gijotina.com bëjnë me dije se zjarri mund të jetë vendosur nga vajza e cila para disa kohësh ka dalë nga spitali psikiatrik. Dyshohet se të 3 anëtarët e familjes Bregu, babai, vajza dhe djali janë me probleme të shëndetit mendor.
Sipas kryeplakut Spiro Xharo familja jetonte në kushte të mjerueshme, ndërsa shtoi se e kanë ndihmuar nga banorët e fshatit.
“E ka vënë vajza e vet, e sëmurë me të meta mendore. Ka dalë nga spitali psikiatrik i Elbasanit para 2 muajsh, nuk e dimë si e ka nxjerrë spitali. Janë të tre me të meta mendore, babai, djali dhe vajza. Nuk kanë qenë problem për fshatin, gjithë kohën jemi munduar t’i ndihmojmë me ushqime. Shtëpinë para pak kohësh ja ndërtuan institucionet,” tha ai.
Pavarësisht ndihmës nga institucionet, Xharo shprehet se duhet të ndërhyjnë që këta të fundit të marrin ndihmë mjekësore pasi mund të kthehen në rrezik për komunitetin.
