Pasi Këshilli i Europës nuk hapi negociatat për Maqedoninë e Veriut, Kryeministri Zoran Zaev ka shpallur Zgjedhjet e Parakohshme.
Në një konferencë për shtyp, Zaev tha se ëndrra europiane e Maqedonisë nuk do të shuhet dhe për këtë marr përgjegjësi, organizojmë zgjedhje të parakohshme parlamentare.
“Dy ditë më parë Brukseli na bëri padrejtësi, ne kemi kryer të gjitha obligimet. Ata nuk e mbajtën fjalën dhe nuk dhanë datë për Negociatat. Kjo është një gabim historik i Europës. Falenderojmë shumicën e liderëve të Europës. Kjo është një vendim i Europës dhe problemeve të tyre të brendshme. Ne jemi përgjegjës dhe kjo kërkon nga ne vendim serioz, secili politikan duhet të jetë përgjegjës. Dal me përgjegjësi para qytetarëve. Ëndrra europiane e Maqedonisë nuk do të shuhet. Për këtë marr përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve”- tha Zaev.
