Deputetja shqiptare në Parlamentin e Kroacisë, Ermina Lekaj Prljaskaj kërkon nga përfaqësuesit e Kroacisë në Parlamentin Europian që të përdorin ndikimin e tyre politik për sensibilizimin e anëtarëve të tjerë në parlament lidhur me arrestimin e Haradinajt
Deputjetja është shprehur se se fletarresti i lëshuar nga Serbia është ndërhyrje në punët e brendshme të shteteve fqinje dhe mohim i sovranitetit të Kosovës.
Deklarata e plotë e deputetes Ermina Lekaj-Prljaskaj:
[APELI I DREJTUAR PËRFAQËSUËSVE TË PARLAMENTIT EVROPIAN]
Të nderuar deputet të Republikës së Kroacisë në Parlamentin Evropian,
Po ju drejtohem në këtë mënyrë për shkak të arrestimit të shtetasit të Republikës së Kosovës, z. Ramush Haradinaj në Francë. Ky rast i pakëndshëm vetëm konfirmon arsyetimin e plotë të apelit, që ju si Deputetë të Parlamentit Evropian e keni paraqitur disa herë. Struktura normative e ashtuquajtur “Kompetenca rajonale” e gjyqësisë serbe, në kundërshtim me të gjitha traditat e qytetëruara ligjore, shprehet edhe një herë në këtë arrestimin e fundit, i cili vjen pas një seri të arrestimeve të shtetasve kroatë. Pasi që Kosova ende nuk është anëtare e Bashkimit Evropian dhe nuk është e përfaqësuar në Parlamentin Evropian, ju lutem në këtë mënyrë që, në pajtueshmëri me mundësitë dhe influencën tuaj politike, ti sensibilizoni kolegët e juaj për këtë çështje konkrete, e cila përsëri e hap çështjen parimore të ndërhyrjeve të gjyqësisë serbe, dhe në këtë mënyrë dhe politika, në punët e brendshme të shteteve fqinje, dhe rrjedhimisht edhe mohimin e sovranitetit si të Republikës së Kroacisë ashtu dhe Republikës së Kosovës.
Me nderime,
Ermina Lekaj Prljaskaj
