Deputeti i Vetëvendosjes, Faton Topalli ka dalë në rrugë me fizarmonikë duke lypur
Topalli i cili vjen nga radhët e partisë së majtë Vetëvendosje i ka habitur të gjithë pasi ka vendosur të fitojë para në një mënyrë jo të korruptuar.
Në pamjet e publikuara në Facebook deputeti shihet duke i rënë një firzamonike dhe pret nga qytetarët t’i ofrojnë të holla. Në mbështetje të deputetit qëndronin dhe të njohur të tij të cilët e kanë filmuar për ta postuar më pas në rrjete sociale.
Deputeti i VV jep kështu një mesazh për gjithë deputetët nëpërmjet të cilit ai shpreh: “Ka mundësi të ndryshme për të fituar para, e JO ME KORRUPSION!”
https://www.facebook.com/faton.topalli.1/videos/1252756934759751/
Deputeti i VV-së, Faton Topalli është në mesin e deputetëve më të pasur të partisë së tij. Ai ka deklaruar pranë Agjencisë Kundër Korrupsinit në Kosovë se ka gjithsej 880 mijë euro pasuri të paluajtshme, mes tyre një parcelë ndërtimi me 380 metra katror të trashëguar në vitin 2013 vlera e së cilës është 130 mijë euro, si dhe një shtëpi me 360 metra katror vlera e së cilës është 570 mijë euro. Topalli ka deklaruar po ashtu se ka edhe një shtëpi tjetër me sipërfaqe prej 900 metra kator, të dyja shtëpitë pasuri e përbashkët.
Si pasuri të luajtshme deputeti ka deklaruar edhe dy vetura në vlerë prej 9 mijë e 200 euro. Të ardhurat e tij vjetore nga paga si deputet janë 12 mijë e 436 euro apo 1 mijë e 35 euro në muaj.
Faton Topalli njihet edhe si deputeti që ka më shumë para në banka, nga radhët e Lëvizjes Vetëvendosje. Ai ka gjithsej 64 mijë e 533 euro para “të gatshme” në bankat e Zvicrës.
