Ministri i Jashtëm, Ditmir Bushati ka ofruar mbështetjen e qeverisë shqiptare për të ndihmuar 20 nga refugjatët që kanë mbetur në anijen ‘’ Diciotti” mes ujërave italiane dhe atyre shqiptare.
Kjo deklaratë e minsitrit është pasuar nga një reagim i deputetit demokrat Agron Shehaj. Ai shkruan:
“Pak gjëra janë më të neveritshme se qeveria shqiptare që bën PR në kurriz të emigrantëve.
Kam qenë vetë emigrant, i ikur me anije, pikërisht në vitin ‘91.
Endërronim lirinë dhe Perëndimin dhe ishim të gjithë të trembur se Italia mund të vendoste të mos na mbante.
Nëse në ato momente qeveria e një vendi tjetër, po aq të varfër sa Shqipëria, do kërkonte të përfitonte dhe do propozohej si alternativë e Italisë për të na marrë, do ndiheshim të përdorur dhe të indinjuar.
Keta pushtetarë mendojnë vetëm se si të blejnë favoret e ndërkombëtarve për të mbajtur pushtetin.
Uroj që këta emigrantë t’ja dalin të realizojnë ëndrrën e tyre në Perëndim dhe mos të kenë fatin e keq dhe të përdoren…”
