Universiteti i Mjekësisë në Tiranë (UMT), ka lajmëruar se do të pezullojë mësimin gjatë të gjithë muajit dhjetor pas dëmeve të shkaktuara nga tërmeti i 26 nëntorit.
Me anë të një vendimi të publikuar nga rektori i UMT-së, Arben Gjata, mësohet se mësimi do të rifillojë në datën 6 janar.
Në vendim tregohet se pas mbledhjes së Rektoratit të UMT-së ditën e sotme, këshilli është dakordësuar se nuk është ende tërësisht e sigurtë gjendja e godinave dhe ambjenteve të Universitetit të Mjekësisë pas tërmetit të 26 nëntorit.
