Nga Ahmet Zani
Disa banesa kanë pësuar dëmtime serioze nga lëkundjet e termetit. Situata paraqitet mjaft problematike në disa shtëpi banimi në malësinë e Kurbinit, për rrjedhojë pasojat duket se janë serioze. Faktet dhe provat janë dëshmi e qartë nga pasojat që sollën lëkundje e tërmeti.
Ky është 85 vjeçari Ndue Gega nga fshati Selitë në malësinë e Kurbinit i cili tregon dëmet në banesën e tij. Ai tregon se duhet të qëndrojë në kasollen e bagëtive, pasi është e pamundur të qëndrohet më në shtëpinë e rrënuar nga dëmet e shkaktuara. Të njejtin fat ka dhe në banesën e Valentin Markut, nga të cilit dëmet janë të konsiderueshme.
Banorët u bëjnë apel institucioneve për ndihmë nga kjo situatë e krijuar pas lëkundjeve te tërmetit.
