Demokratët akuzojnë se Elvis Rroshi fshehu të kaluarën e tij
PD kërkon heqjen e mandatit të Elvis Roshit si kryebashkiak i Kavajës. Pasi Rilindja Demokratike, botoi fomularin e vetëdeklarimit të Elvis Rroshit, ku pranon se ishte ndaluar në Gjermani, PD ka kërkuar nga KQZ t’i drejtohet prokurorisë, dhe të nisë procedurën për ndërprerjen e mandatit të Roshit.
Por në reagimin e tij në rrjetet sociale kreu i Bashkisë së Kavajës ka deklaruar me bindje se ai nuk është subjekt i asnjë krimi nga ata që parashikohen në ligjin e dekriminalizimit.
Akuzat e PD
Ervin Salianji: I shpallur nga Edi Rama si model për t’u marrë shembull nga të tjerët, Roshi ka pasur në të kaluarën probleme të rënda me drejtësinë. Ai po mundohet ti fshehë ato duke mos dhënë arsyet pse është dëbuar nga Gjermania. Një provë që konfirmon qëndrimet dhe denoncimet e Partisë Demokratike dhe të ambasadorit amerikan për kandidimet e kriminelëve në zgjedhje. Partia Demokratike i bën thirrje Komisionit Qendror të Zgjedhjeve të dërgojë menjëherë në prokurori formularin e Roshit, pasi fshehja e të dhënave është një vepër penale më vete që do të mjaftonte për ndërprerjen e mandatit të Roshit. Partia Demokratike i bën thirrje prokurorisë dhe organeve që ligji ngarkon me zbatimin e tij, që të nisin menjëherë nga puna.
Reagimi I Elvuis Roshit në FB
“Une jam ndaluar ne Gjermani nga autoritetet vendase dhe me pas jam debuar nga Gjermania. Kjo ka ndodhur pasi kam qene emigrant pa letra. Kam shkruar ne deklarate se nuk me kujtohen detajet e ceshtjes pasi dua te jem i sakte ne cdo percaktim. Te gjitha detajet dhe procedurat e ndalimit dhe debimit tim jane duke u zbardhur nga avokatet e mi dhe do u vihen ne dispozicion publikut dhe institucioneve shteterore sa me pare te jete e mundur. Por nje gje eshte e sigurte: Une nuk jam subjekt i asnje krimi qe parashikon ligji dekriminalizimit dhe nuk doja qe Sali Berisha dhe partia e tij te kerkonin largimin tim nga politika per pasaktesi deklarimi”.
