Ish deputeti i Partisë Demokratike, Enkelejd Alibeaj ka deklaruar se do të nxjerrim emra të tjerë për denoncimin e kryebashkiakëve për dekriminalizimin.
I ftuar në studion e “ABC News”, Alibeaj tha se për të gjithë ata që mendojnë se mund ti fshihet drejtësisë asgjë nuk mund të mohohet.
“Si jurist, si qytetar i angazhuar politikisht dokumenti është marrë në rrugë zyrtare në shtetin grek. Duhet të ndihqet një orë e më parë për shkak të procedurave ligjore. Ministria e Drejtësisë shqiptare i ka vendosur stop korrespondencës. Kryeprokurori i ri, duhet ti zhvillojë sa më shpejt procedurat edhe si një premtim që vetë Prokurori i Përgjithshëm dha”, tha Alibeaj.
“Të kryejë të gjitha procedurat, por edhe të fillojë procedimin penal për pengesë të drejtësisë, ti japë publikut shqiptar të vërtetën. Jeta publike shoqërore është e degraduar. Do ta ndjekim këmba këmbës këtë proces i cili mban emrin tonë. Për të gjithë ata që mendojnë se mund ti fshihet drejtësisë asgjë nuk mund të mohohet. PD është e gatshme në çdo rast për ta ndjekur. Është një dokument i Mallakstrës ka një datë, presim të dhëna edhe për krybashkiakë të tjerë brenda këtij qarku. Kur të vijë koha do ti publikojmë”, tha Alibeaj.
