Kryeministri në detyrë i Kosovës, Ramush Haradinaj ka anulluar vizitën e kësaj të enjte në Pragë për të marrë pjesë në Samitin e Vishegradit.
Ky vendim i kryeministrit Haradinaj vjen pak kohë pas deklaratave të presidentit çek Millosh Zeman gjatë një vizite në Beograd për tërheqje të njohjes së pavarësisë së Kosovës.
Në Samitin e Vishegradit, përveç Çekisë, Sllovakisë, Polonisë dhe Hungarisë, marrin pjesë kryeministrat edhe të Ballkanit Perëndimor.
Nga Zyra e Kryeministrit në detyrë thuhet se arsyeja e mospjesmarrjës janë angazhimet e Haradinajt, ndërsa thonë se do të dalin së shpejti me njoftim zyrtar.
