Kreu i grupit parlamentar të LSI, Petrit Vasili ka reaguar pas deklaratave të deputetit të Bundestagut gjerman Thorsten Frei, ku tha se duhet t’i hiqej mandati ish-ministrit të Brendshëm, Saimir Tahiri.
Përmes një postimi në Facebook, Vasili shkruan se “Kryeministri Rama mbrojti Tahirin dhe la Shqipërinë jashtë Europës”.
Postimi i plotë
Kryeministri mbrojti Tahirin dhe la Shqipërinë jashtë Europës.
Deputeti gjerman Thorsten Frei e tha shumë shumë qartë “duhej hequr pa diskutime imuniteti i Tahirit”.
Kryeministri u bë bllok dhe e mbrojti bashkë me të tijtë Tahirin, duke u vendosur kundër Europës, Gjermanisë dhe shqiptarëve.
Ky kryeministër e mbron me çdo mjet krimin dhe drogën, tani pas fjalëve të Frei këtë e ka të qartë edhe shqiptari më i fundit.
Kryeministri e la Shqipërinë jashtë Europës sepse Tahiri dhe droga janë kryesore kurse Shqipëria është përtej fundit për të.
Kjo ka vetëm një emër tradhti e lartë ndaj interesave strategjike të vendit.
