Diplomat janë gati por dekania e Fakultetit të Shkencave të Natyres Shkodër nuk ka kohë ti firmos sepse është shumë e zenë. Ky është pretendimi i një studenti i cili ka dërguar shqetësimin e tij pranë redaksisë së Shkodra News.
Ja çfarë thotë ai:
Përshëndetje! Jam një student i Fakultetit të Shkencave të Natyrës Shkodër. Ka një vit që kam përfunduar shkollën dhe asnjë nga studentët që ka perfunduar studimet në vitin 2016 nuk është pajisur me diploma.
Pas një viti sorollatje për të kërkuar diplomën, e cila është një e drejtë për ta zotëruar të paktën brenda 6 muajve pasi studenti ka kryer të gjitha detyrimet ndaj universitetit, ende sot na thonë që duhet të prisni edhe pak. Diplomat jane gati por dekania e FSHN nuk ka kohë t’i firmosë sepse është shumë e zënë.
Ju lutemi ta publikoni një rast të tille në të cilin tregohet neglizhenca dhe abuzimet me detyren e drejtuesve më të larte të universiteteve.
Çdo fakultet tjeter i Shkodrës i ka pajisur me diploma të gjithë studentët që kanë përfunduar shkollën përveç FSHN. Arsyeja se pse nuk marrim ne diplomat është shumë qesharake. Faleminderit!
