Si pasojë e motit të keq, reshjet intensive te dëborës kanë përfshirë të gjithë vendin. Problematike paraqitet situata edhe në zonën e Tepelenës, ku si pasojë e reshjeve të dendura të dëborës, është bllokuar rruga që çon në fshatin Lekdushk.
Mësohet se në këtë zonë, niveli i dëborës ka arritur në 50 centimetra. Banorët e fshatit Lekdushk që kanë mbetur të bllokuar nga dëbora, prej dy ditësh vuajnë edhe mungesën e energjisë elektrike.
