Dëbora e papritur që ka mbuluar malet e Shqipërisë dhe thuajse të gjithë territorin e Kosovës ka shkaktuar probleme në qarkullim.
Në Kosovë disa rrugë janë bllokuar dhe kolona e makinave nuk lëviz fare. Një rast i tillë është shënuar te maja e Kullës së Zhlepit, në kufirin me Malin e Zi, raportojnë mediat kosovare.
“Ka 10 orë në kullë është bllokuar rruga. Mali i Zi e ka pastruar rrugën e vet, por kur vjen te pjesa e Kosovës 50 vetura janë bllokuar dhe në mëshirë të fatit”, ka shkruar një qytetar.
Ndërkohë, probleme të shumta janë shënuar gjatë ditës edhe në disa zona të tjera, si në Dragash, Rugovë, Kamenicë, etj.
