Ka nisur me debate, mbledhja në Komisionin e Ekonomisë ku po diskutohet lidhur me shkarkimin e Arben Malaj.
Ish-ministri i Financave, Malaj ka kërkuar që prezent në mbledhje të jetë edhe një përfaqësues nga ana e kryeministrisë, pasi çështja duhet trajtuar ligjërisht.
Ndërkohë Ahmetaj, është shprehur se ligji nuk shpreh detyrim, megjithatë Këshilli i Ministrave nuk ka dërguar përfaqësues.
Pjesë nga debati:
Malaj: Unë do të bëj raportimin profesional në raport me propozimin që ju mund ta thonit se iniciuesi i këtij propozimi është vetë kryeministri dhe këtu ka një ngërc institucional sepse cdo vendim i qeverisë vjen me dy firma, me firmën e propozuesit dhe me firmën e kryeministrit, në këtë rast kush është përfaqësuesi i qeverisë dhe kush është përfaqësuesi i kryeministrit në këtë ballafaqim publik, mun të më ndihmoni zoti kryetar ta kuptoj procedurën?
Ahmetaj: Po ligji i jep të drejtë këshillit të ministrave që të ketë prezent një përfaqëues, këshilli i ministrave është njoftuar për këtë seancë. Ka njoftuar që nuk do të sjellë përfaqësues. Unë do ti referohem kuvendit, është e drejtë dhe jo detyrim.
Malaj në respekt te marrëdhënies…
Malaj: Jo unë s’kam asnjë marrëdhënie me ju. Vetëm profesionale. Bashkë i lame pas qe ne vitin 1997 kur digjej Shqipëria
Ahmetaj: Ju kërkuat avokat…s’është e nevojshme, por dakord
Malaj: Dikur ju mësoja unë juve të ishit i dobishëm për Shqipërinë, tani do më tregoni ju mua nëse duhet ose jo avokat.
