Raporti i këtij viti e rendit Shqipërinë sërish në kategorinë e dytë përsa i përket trafikut njerëzor. Në raport theksohet se Shqipëria mbetet vend burimi dhe destinacioni për trafikun me qëllim shfrytëzimin seksual dhe në punën e detyruar si brenda vendit, ashtu edhe në vende fqinje si Kosova, Maqedonia, apo Greqia.
Shfrytëzimi i fëmijëve të komunitetit rom dhe egjiptian si lypës apo në forma të tjera pune të detyruar, si dhe problemin e grave e vajzave që shfrytëzohen seksualisht, pasi martohen me shkesëri në Shqipëri ose jashtë vendit vazhdojnë të mbeten problem tepër shqetësuese në vendin tonë.
a
Sipas raportit, korrupsioni në polici është një nga arsyet kryesore që fenomeni nuk luftohet.
Raporti nënvizon se plani i veprimit 2014-2017 nuk ka patur fonde të mjaftueshme. Departamenti i Shtetit rekomandon në raportin e tij që Shqipëria të ndalë ndëshkimet ndaj viktimave, për akte që janë kryer gjatë periudhës që ishin të shfrytëzuar nga trafikantë; të rrisë fondet e OJQ-ve për strehat e viktimave, të përmirësojë mbështetjen mjekësore, psikologjike dhe të riintegrimit për viktimat në streha.
