Mbrëmë në studion e Blendi Fevziut përballë një paneli të gjerë ishte i ftuar kryetari i Bashkisë së Durrësi, Vangjush Dako.
Dako ka komentuar mbi përgjimet e publikuara nga “Bild”, në të cilat shfaqet duke biseduar me kreun e bandës së Avdylajve, Astrit Avdylaj.
Në më shumë se dy orë debat intensiv, Dako i ka mohuar akuzat se kishte biseduar në telefon me Astrit Avdylajn. Por ndër të tjera Dako u shpreh se ish-deputetët e partisë demokratike po hedhin baltë mbi grupet kriminale.
“E dyta, janë deputetët e qarkut të Durrësit të cilët patën një rezultat shumë negativ në qargun e Durrësit në vitin 2017. Dhe hedhin baltë mbi grupet kriminale për arsye të paaftësisë së tyre dhe të pazotësisë për tu organizuar.”- tha Dako.
