Zbulimet e reja/ Kryebashkiaku nuk heq dorë nga betonizimi pavarësisht protestave të vazhdueshme të qytetarëve të Durrësit dhe shoqërisë civile.
Zbulohen artefakte të Perandorit August në themelet e Velierës.
Vangjush Dako nuk heq dorë nga betonizimi pavarësisht protestave të vazhdueshme të qytetarëve të Durrësit dhe shoqërisë civile.
Të tjera zbulime shumë të rëndësishme në themelet e Velierës do të duhej të kishin ndalur automatikisht punimet e Bashkisë në themelet e saj. Artefakte të Perandorit August, janë zbuluar ditët e fundit në themelet e Velierës që po ndërton Bashkia e Durrësit. Por, megjithatë kryebashkiaku Vangjush Dako këmbëngul dhe nuk pranon të ndalë betonizimin. Ai duket i vendosur të varrosë nën beton këto zbulime me rëndësi të madhe për arkeologjinë. Shoqatat në mbrojtje të monumenteve të kulturës dhe trashëgimisë kultore janë duke vazhduar protestën e tyre kundër kryebashkiakut të Durrësit, i cili për çudinë e madhe as që i bëhet vonë nga këto reagime. Me sa duket Vangjush Dako po përfiton nga situata e tensionuar politike në Tiranë, e cila ka marrë vëmendjen më të madhe të medias dhe nuk po gjen hapësirën për t’u fokusuar tek ajo çfarë po ndodh në Durrës me këmbënguljen e kryebashkiakut për të varrosur këto zbulime me kaq rëndësi. Vangjush Dako vazhdon të jetë i vendosur për betonizimin.
