“Nuk mund të shkojmë në zgjedhje me një kryetar që është zgjedhur shtatë vite më parë”
Deputetet Arta Dade e Mimoza Hafizi kanë kundërshtuar propozimin e Edi Ramës për referendum në PS dhe kanë kërkuar që të analizohet në Asamble ngjarja e Elbasanit. Në fjalën e saj në Asamblenë Kombëtare të PS-së, Arta Dade tha se ngjarja e Elbasanit nuk ka lidhje me demokracinë që duhet të ketë në PS. Ajo foli edhe për referendumin ku theksoi se ka kohë deri në kongres dhe mbetet për tu parë se sa i nevojshëm është por ajo që sipas Dades është me rëndësi është zgjedhja e kryetarit me “një anëtar një votë”. Dade tha nuk mund të shkojmë në zgjedhje me një kryetar që është zgjedhur shtatë vite më parë.
