Avokati Altin Goxhaj u shpreh se Shqipëria nuk disponon më një ushtri në kuptimin e mirëfilltë të fjalës, duke theksuar se kapacitetet ushtarake janë degraduar ndër vite.
Ai ngriti shqetësime për mungesën e armatimit dhe infrastrukturës mbrojtëse, ndërsa kritikoi ashpër edhe qasjen politike ndaj sigurisë kombëtare dhe zhvillimeve në rajon.
Altin Goxhaj: Unë mendoj që në këtë çast, në këtë sekondë që ne flasim, ushtria shqiptare nuk ekziston në konceptin e fjalës ushtri. Ne nuk kemi ushtri. Ne kemi vetëm disa, si të thuash, punonjës, punonjës të Ministrisë së Mbrojtjes që janë me uniformë ushtarake dhe e them këtë me plot gojën duke njohur kapacitetet reale të ushtrisë që duhet të ishte.
Unë respekt më të madh në këtë botë e kam pas gjithmonë për njerëzit me uniformë që janë gati të japin dhe jetën për vendin dhe sidomos të gjithë trupat tona ushtarake që kanë marrë pjesë në misione ndërkombëtare, se ne s’kemi pasur mundësi të bëjmë luftë. I kam quajtur njerëz që shkojnë rrezikojnë jetën pavarësisht se si e mendojnë njerëzit, që e bëjnë për flamur në gjithë kuptimin, dhe ata betohen për atë flamurin.
Por unë mund ta them me plot gojën që ne nuk kemi ushtri, ne e kemi shkatërruar ushtrinë. Kemi punuar gjerë e gjatë në mënyrë shumë profesionale për të arritur këtë ditë. Kemi shkatërruar çdo lloj arme, e cila koha e Ukrainës vërtetoi që ishte një tradhti kombëtare nga të gjithë klasa jonë politike, sepse ka shkatërruar të gjitha kapacitetet ushtarake: mortaja, topa, mitralozë, automatik, gjithçka. Dhe të gjithë ata që mendojnë që këto janë mallra kineze apo mallra ruse, nuk kuptojnë asgjë nga lufta. Lufta e Rusisë tregoi që Koreja e Veriut furnizonte Rusinë në kohë reale kur i duhej që të kapte kapacitetin prodhues të industrisë së luftës.
Pra ne e kemi shkatërruar ushtrinë dhe ne nuk kemi ushtri. Kur vjen puna ke teknologjitë e përparuara e të tjera e të tjera, edhe ne i paçim ndonjë kështu dron, ndonjë gjë të kësaj natyre, nuk i besoj fare se quhet kapacitet ushtarak. Këto janë si të thuash forca policore në gjithë kuptimin e fjalës që kemi ne. Qoftë në aspektin e helikopterëve, ndonjë anije apo ndonjë droni. Tani shkojmë në Kosovë. Në Kosovë ka ushtarë sa të duash, por nuk ka kapacitete ushtarake Kosova. Nuk ka. Ato pak kapacitete, ndonjë dron, ndonjë gjë të kësaj natyre, janë aq të pakta sa siç thuhej dikur, shoqata e gjuetarëve të Serbisë mbaronte punë në këtë zonë. Dhe thjesht problemi është që Kosova ka, ka njerëz, ka ushtarë, por nuk ka kapacitete ushtarake, nuk ka armatim.
Unë besoj që Aleksandër Vuçiç ka shumë nevojë për këtë ngjarje. Rama ia ka ofruar, se këtë doja të theksoja. Ajo që ka bërë Rama me Vuçiç në Bashkimin Europian, me deklaratën e përbashkët duke e përzënë Kosovën nga të gjithë procedurat e konceptit që ne kemi mbi integrimin e përbashkët, duke e nxjerrë jashtë loje Kosovën, duke e lënë mënjanë Kosovën, duke i dhënë avantazhin e jetës Serbisë, që ata të ecin përpara dhe pastaj nesër të bllokojnë Kosovën. Nuk kupton, se ky është rezultati. Mos harro, Kosovën ka pesë-gjashtë shtete në Europë që as nuk e njohin si shtet, siç është Spanja, Çekia, më duket se Sllovakia, njëra nga këto dyja. E ndonjë tjetër. Pra ne jemi në realitetin që ne kemi një tradhti kombëtare në Shqipëri që quhet qeveria, në thonjëza, shqiptare, se unë nuk e shoh si qeveri. Ky është një kartel qeveritar i drogës dhe i krimit, që ka një pozicion shumë të qartë të vitit 1941, 8 nëntor, krijesë e Partisë Komuniste Jugosllave dhe këta i shërbejnë totalisht në origjinën e tyre dhe në shërbimin e tyre për gjithë jetës këtij flamuri, flamurit serb.
