Dragan Nikoliç kishte kërkuar ndihmë publikisht për të siguruar mbijetesën dhe për të shkolluar vajzën e tij, pasi vet ishte i sëmurë. Për çudi, atij nuk iu lajmërua asnjë serb për ta ndihmuar, por furrtari shqiptar Sejdi Sakaj 64 vjeçar.
Tregimi trishtues i Dragan Nikoliçit dhe vajzës së tij Natalija i tronditi shumë njerëz në Serbi, por ishte vetëm një shqiptar që doli ta ndihmojë.
Pas publikimit të Dragan Nikoliçit, babai vetëushqyes i vajzës 21 vjeçe Natalija, me të cilën, për shkak të sëmundjes, jeton pa punë dhe në kushte shumë të vështira, me vajzën e tij, studenten e shkëlqyer të gjuhës shqipe pranë Fakultetit Filologjik në Beograd. Atë e kishte lënë bashkëshortja, kur Natalija kishte vetëm gjashtë muaj.
Banesë pa pagesë dhe ushqim iu ofrua nga shqiptari Sejdi Sakaj nga Barajeva, paralagje e Beogradit.
“Kam furrë në Barajevë, jetojmë mirë dhe jam i lumtur, nëse mund të ofroj diçka njerëzve në situatë të tillë. Kam një garsonierë, të cilën e kam pajisur për ditët e pleqërisë, tani është e lirë dhe dëshiroj që t’ju ofrojë në shfrytëzim Natalisë dhe Draganit. Nuk duhen të paguajnë qira e as faturat. Sa i përket ushqimit, mund të llogarisin që çdo ditë çfarëdo që ne hamë edhe ata do të kenë të njëjtin. Çfarë ka për ne, ka edhe për ata. Nëse megjithatë për shkak të largësisë nga fakulteti nuk pranojnë, jam i gatshëm që t’ju jap 4.000-5.000 dinarë në muaj”, përfundon Sejdiu, i cili jeton në Serbi tashmë 36 vjet dhe nuk i dallon njerëzit për kah kombësia, por në të mirë dhe të këqij.
Dragani është shumë i gëzuar, e njerëzit të cilët i ofruan ndihmë i kanë ngjallë shpresën për jetë.
“Unë nuk di se çfarë të them, kam mbetur pa tekst, kur më është lajmëruar zotëri Sejdiu. Menjëherë do të kisha pranuar ofertën e tij, por Natalija është në fakultet dhe dëshiroj së pari të bisedoj me të. E di që duhet të udhëtoj më gjatë deri në fakultet, sepse Barajeva është pak larg nga Beogradi, por kjo do të na e lehtësonte dhe do të na e ndërronte për të mirë jetën”, thotë ai.
Natalija dhe babi i saj kanë përkrahje dhe ndihmë vetëm prej shoqeve të saj.
“Kam xhaxhanë dhe disa kushëri në Klladovë. Ata më herët na kanë ndihmuar pak, por prejse kam vendosur që të studioj gjuhën shqipe, më nuk na ndihmojnë. Këtë gjuhë e kam për zemër qysh prej shkollës fillore, kryesisht duke dëgjuar muzikë. Përveç gjuhës shqipe, flas edhe anglisht, italisht dhe rumanisht”, thotë Natalija.
/gazetametro.net/
* Në foto Dragan Nikoliç dhe vajza e tij Natalija
