Ish-Presidenti Donald Trump ka nisur zyrtarisht fushatën për zgjedhjet presidenciale të vitit 2024. Nju Hempshër ishte ndalesa e tij e parë në terren që kur deklaroi kandidimin për tu nisur më pas drejt Karolinës së Jugut. Në këto dy shtete zhvillohen dy nga tre garat e para për nominimin brenda partisë republikane. Ish-Presidenti Trump njoftoi se Stephen Stepanek kryetari Republikanëve në Nju Hempshër do të jetë këshilltari i tij i lartë përgjatë fushatës. Zgjedhja e Stepanek sinjalizon një kthim në rrënjët e fushatës së Trump në vitin 2016 në shtetin që i dha atij fitoren e tij të parë paraprake atë vit. Trump humbi Neë Hampshire me një fraksion të pikës në ato zgjedhje të përgjithshme. Katër vjet më vonë, shteti iu largua, pasi humbi me 7 pikë ndaj Presidentit Joe Biden.
Aludimet
Disa aludojnë se njoftimi i Donald Trump se do të kandidojë për president të SHBA-së në vitin 2024 është një dredhi për të shmangur ndjekjen penale. Megjithatë disa të tjerë spekulojnë se ai po bën përpjekje serioze për të rimarrë Shtëpinë e Bardhë.
Trump mohoi edhe një herë humbjen e tij në 2020 dhe u tha mbështetësve se ai, ndryshe nga çdo alternativë e mundshme republikane do të ishte kandidati më efektiv në 2024.
Fjalimi
“Për të ndryshuar të gjithë sistemin, ju duhet një president që mund të marrë përsipër të gjithë sistemin dhe një president që mund të fitojë,” tha ai nga salla kryesore e kryeqytetit.
Në të dyja ndalesat, Trump promovoi atë që ai tha se ishte rekordi i tij i suksesit gjatë presidencës së tij dhe sulmoi rekordin e Presidentit Joe Biden për krimin, imigracionin dhe ekonominë. Nëse ky është një moment kyç për zotin Trump, ai vjen në një kohë kur sondazhet e opinionit publik kanë filluar të stabilizohen për të, pasi mbështetja e tij ra si pasojë e rezultateve zhgënjyese të republikanëve në zgjedhjet afatmesme të Kongresit të nëntorit.
Sondazhe
Një sondazh i Emerson i kryer në fillim të kësaj jave zbuloi se 55% e votuesve republikanë mbështesin zotin Trump, shumë më përpara se 29% për Guvernatorin e Floridës, Ron DeSantis, i cili nuk ka shpallur një ofertë presidenciale, por shihet të jetë rivali më i frikshëm i ish-presidentit. Një sondazh i Monmouth në dhjetor e bëri DeSantis përpara me dy shifra.
Në fillim të kësaj jave, Meta njoftoi se po heq pezullimin që kishte vendosur në llogaritë e zotit Trump si pasojë e sulmit ndaj Kapitolit të SHBA nga mbështetësit e tij. Megjithëse ish-presidenti ende nuk ka rifilluar postimin në llogaritë e tij, kthimi i tij mund të ofrojë një mundësi tjetër për shtrirjen e votuesve dhe mbledhjen e fondeve pasi fushata e tij ende me staf minimal përgatitet për ecurinë e saj në vitin 2024, shkruan BBC.
Nëse tubimet dhe donacionet në Facebook ishin karburanti për ofertat e mëparshme të Trump në Shtëpinë e Bardhë, ndalesa e tij në Karolinën e Jugut ishte një lloj tjetër operacioni. Për të fituar një nominim të tretë presidencial republikan, megjithatë, ish-presidenti Trump do të ketë nevojë për mbështetjen e rangut politik në shtete si Neë Hampshire dhe Karolina e Jugut, si dhe besnikët e tij në tubime. Një sondazh i kohëve të fundit në Karolinën e Jugut kishte gati gjysmën e votuesve republikanë që shprehnin një preferencë për “dikë tjetër” përveç ish-presidentit Trump.
