Presidenti i Dhomës Amerikane të Tregtisë Marc Crawford deklaroi se funksionimi i drejtësisë është një prej elementëve më të rëndësishëm për thithjen e investimeve. Në një intervistë në Oranews Crawford bën thirrje që refoma në drejtësi të përfundojë sa më parë për të krijuar një imazh më të besueshëm për vendin. Ndërsa ngre si shqetësim edhe nivelin e taksave, të cilat në rajon janë më të ulëta. “Duhet të ketë një sistem ku njerëzit dhe bizneset, edhe më dashamirë nuk bien dakort dhe duhet të kenë ndonjë gjë që është e drejtë. Investitorët nëse do kenë probleme duhet të zgjidhen. Ne si dhomë nuk jemi mes kësaj luftës, por është diçka që është në diskutim sidomos nga Ambasada amerikane dhe ne e mbështesim proçesin”, thotë kreu i Dhomës Amerikane të Tregtisë. Ai thekson gjithashtu se edhe politika konfliktuale shpesh herë krijon pasiguri tek investitorët. Crawford thekson gjtihashtu se Vende të tjera të rajonit, vijojnë të mbetet më tërheqës për investimet e huaja dhe sipas Crawford kjo lidhet me nivelin e taksave dhe subvencionet që ata ofrojnë për nisjen e një biznesi.
“Në Prishtinë që hedhin gaz në parlament, ose ne që hedhim vezë në parlament, ka ndonjë problem në Tetovë. Ata nuk kuptojnë, vetëm kuptojnë që është një zonë shqipfolëse që ka probleme. Kur ka të tilla probleme, ne bizneset që marrim hua, ose investitorët e huaj, vështirësohet. Ne në Shqipëri kemi një gjë pozitive që kostoja e punëtorëve është e ulët. Por nëse nuk jemi në konkurencë me Tatimet, nëse nuk kemi infrastrukturë ose ambjentin për investitorët atëherë ata do të shkojnë atje” tha Crawford.
