Dy hipopotam në një kopsht zoologjik në Belgjikë kanë rezultuar pozitiv me Covid-19, pas kryerjes së testimit.
Institucioni njoftoi se momentalisht ata janë në izolim.
Ekspertët thanë se kjo ishte hera e parë që virusi ishte shfaqur në speciet e kafshëve.
Laboratori Kombëtar Veterinar belg ka konfirmuar se në kopshtin zoologjik të Antëerp, hipopotami 14-vjeçarë Imani, dhe 41-vjeçari Hermien, janë infektuar me coronavirus.
Nuk është e qartë se si u infektuan. Të dyja kafshët janë mirë, përveç që u rrjedhin shumë hundët, raportojnë mediat e huaja.
Të gjitha kafshët në kopshtin zoologjik u testuan për COVID-19 dhe nuk u gjet asnjë rast infektimi.
Zona ku ndodhen hipopotamët është e mbyllur për vizitorët dhe do të rihapet kur kafshët të rezultojnë sërish negativ.
