Situata epidemiologjike në vendin tonë ka një përmirësim të ndjeshëm. Prej disa ditësh asnjë pacientë me Covid-19 nuk ka humbur jetën, ndërsa çdo ditë që kalon, raportohen edhe më pak infektime. Sot vetëm 45 qytetarë kanë rezultuar pozitivë ndaj virusit.
Aktualisht në spitalin Covid janë të shtruar 14 qytetarë, ku vetëm 1 është në gjendje të rënduar shëndetësore.
Rastet e reja pozitive janë raportuar në këto bashki:
21 në Tiranë, 5 në Vlorë, 3 në Kuçovë, nga 2 qytetarë në Gjirokastër, Delvinë, Lushnje, Fier, nga 1 qytetar në Shkodër, Kukës, Durrës, Mallakastër, Sarandë, Përmet, Elbasan, Gramsh.
Janë 516 pacientë aktivë me Covid-19 në të gjithë vendin. Janë shëruar 26 qytetarë gjatë 24 orëve të fundit, duke e çuar numrin e të shëruarve në 269,425 që nga fillimi i epidemisë.
Kujtojmë se, Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrën shëndetësore. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.
Nëse dyshoni se jeni të prekur nga Covid-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
