Ministria e Shëndetësisë bën me dije se ditën e sotme nga 442 testime, janë shënuar 28 raste të reja me Covid-19 dhe asnjë humbje jete në 24 orët e fundit. Rastet e reja janë shënuar në këto bashki: 16 në Tiranë, 4 Vlorë, 2 në Berat, nga 1 qytetar në Tepelenë, Gjirokastër, Sarandë, Delvinë, Divjakë, Shijak.
Ndërkohë janë 385 pacientë aktivë me COVID-19 në të gjithë vendin. Aktualisht në spitalin COVID3 po marrin trajtim 10 pacientë, nga të cilët 2 janë në gjendje më të rënduar. Në 24 orët e fundit ka një humbje jete me Covid-19: një qytetar nga Lushnja 82 vjeç. Janë shëruar 24 qytetarë gjatë 24 orëve të fundit, duke e çuar numrin e të shëruarve në 270,341 që nga fillimi i epidemisë.
Kujtojmë se, rastet e Covid-19 janë ulur sërish në krahasim me një ditë më parë. Ditën e djeshme kemi pasur 55 raste të reja, por që numri i testimeve ka qenë më i lartë, 1088 testime. Ndërsa numri i të shëruarve brenda një dite është rritur.
